KONFERENCE PER SHTYP

Tirane 24 Prill 2006

KONFERENCE PER SHTYP

Koalicioni per Arsimimin e Femijeve ne Shqiperi ka kenaqesine te njoftoje se neser mban nje konference per shtyp me rastin e hapjes se Fushates Globale “Arsim per te Gjithe” si dhe per te prezantuar perpara mass medias ne Shqiperi nje dosje te plote te problemeve qe ndeshin femijet ne arsimimin e tyre dhe materialeve sensibilizuese te fushates.

Konferenca per shtyp organizohet ne: 

Hotel Tirana International

Salla “ABRET”

Ora 11.00

Dita e Marte (Dt. 25 Prill)

Këtë vit, në të gjithë Botën, përfshirë edhe Shqipërinë, nga data 24-30 Prill 2006, zhvillohet Java Globale “Arsim për të Gjithë” nën moton “Mësues i Kualifikuar për cdo Fëmijë”. Gjatë kësaj jave organizatat që punojnë për arsimimin e fëmijëve dhe sindikatat e mësuesve nga e gjithë Bota kërkojnë nga qeveritë dhe politikanët që të sigurojnë “Një mësues për çdo fëmijë”.

Arsimimi është e drejta e çdo fëmije, përmes së cilës çdo individ në shoqëri ka mundësi të zhvillohet plotësisht dhe të dalë nga varfëria. Për këtë qëllim dhjetë organizata joqeveritare: Qendra për Mbrojtjen e të Drejtave të Fëmijëve në Shqipëri (CRCA), Qendra e Informacionit dhe Kërkimeve për të Drejtat e Fëmijëve në Shqipëri (IRCCRA), World Vision Albania, Save the Children, Aleanca për Femijet në Shqipëri (ACA), Qëndra për Mbrojtjen e të Drejtave të Fëmijëve me Aftësi të Kufizuara (MEDPAK), Christian Children Fund (CCF), SOS Fshatrat e Fëmijëve Shqipëri, Plan Albania dhe Sindikatat e Arsimit të Shqipërisë (FSASH dhe SPASH), kanë bashkuar forcat e tyre për t’i bërë thirrje Kuvendit të Shqipërisë, Qeverisë shqiptare dhe Presidentit të Republikës, si dhe të gjithe politikanëve, që të bëjnë më shumë për arsimimin e fëmijëve në Shqipëri, sigurimin e kualifikimit të mësueve, në mënyrë që të eleminohet fenomeni i braktisjes së shkollës dhe të rritet cilësia e mësimdhënies në sistemin arsimor para-universitar.

Qëllimi i Fushatës Javore në Shqipëri është ndërgjegjësimi i Qeverise shqiptare, politikanëve dhe publikut të gjerë për: problemin e cilësisë së ulët të mësimdhënies në shkollat shqiptare, kualifikimit të ulët të mësuesve, fenomenin të braktisjes së shkollës dhe të fëmijëve të përjashtuar nga arsimi.

Ne dispozicion te gazetareve do te vendoset nje dosje e plote me materialet e fushates globale si dhe nje dokument i detajuar me problemet e arsimimit ne Shqiperi. Jeni te ftuar te merrni pjese.