Albania opens Child & Youth Policy Hub

Child & Youth Policy Hub Albania is the first centre that focuses on the process of evaluation and promotion of policies and best laws for children and youth in Albania and in the Western Balkans region

Tiranë, 20 Nëntor 2018 – Qendra për të Drejtat e Fëmijëve në Shqipëri (CRCA), një organizatë me një eksperiencë 21-vjeçare në fushën e politikave dhe legjislacionit për të drejtat e fëmijëve dhe të rinjve, njoftoi sot krijimin e Laboratorit të Politikave për Fëmijët dhe të Rinjtë në Shqipëri. Qëllimi i tij është ndikimi në përgatitjen e politikave dhe ligjeve më të mira, bazuar tek eksperienca e vendeve të Bashkimit Europian, të cilat vendosin në qendër fuqizimin dhe pjesëmarrjen e fëmijëve dhe të rinjve.

Laboratori do të fokusohet në mënyrë të veçantë me kontributin e tij në procesin e integrimit Europian të Shqipërisë, duke luajtur një rol kryesor në përgatitjen e raporteve, policy briefs, factsheets, etj.

Çështje të tilla si të drejtat e fëmijëve, vajzave, pakicave, LGBTI, punësimin e të rinjve, e drejta për arsim, monitorimi i buxhetit të shtetit, pjesëmarrja e fëmijëve dhe të rinjve në vendim-marrje, dhuna, siguria në internet, shfrytëzimi i fëmijëve etj, do të jenë fushat kryesore ku do të mbështetet puna e laboratorit në Shqipëri.

Laboratori i Politikave për Fëmijët dhe të Rinjtë, do të avokojë nga qeveria qendrore dhe ajo vendore, si edhe agjensitë e OKB-së, donator, për të drejtat dhe politikat e programet e mbështetjes së fëmijëve dhe të rinjve.  

CRCA krijoi Laboratorin në bashkëpunim me Koalicionin për Arsimin në Shqipëri (ACE), Rrjetin Kombëtar për të Rinjtë (ANYN) dhe do të mbështesë punën e tij nga partnerë të tjerë si: Linja Kombëtare e Ndihmës për Fëmijët, Qendra Kombëtare për Internet të Sigurtë, Qendra e Informacionit dhe Kërkimeve për Fëmijët në Shqipëri dhe Ambasada PINK Shqipëri, për të ndërmarrë studime dhe vëzhgime mbi gjëndjen e fëmijëve dhe të të rinjve në Shqipëri, organizimin e anketave rajonale e kombëtare, si dhe raporteve të monitorimeve dhe vlerësimit të politikave për fëmijët dhe të rinjtë.

Ky Laborator përbëhet nga disa prej ekspertëve më të mirë në fushën e politikave për fëmijët dhe të rinjtë, studimeve gjinore dhe europiane, legjislacionit për të drejtat e njeriut, medias dhe gazetarisë.

Për më shumë informacion, kontaktoni:

Altin Hazizaj

CRCA Shqipëri

E-mail: info@crca.al